Rus snayperlər ağır Ukrayna dronlarını saxta mövqelərə cəlb edir

Rus snayperlər Xarkov istiqamətində Ukrayna ordusunun ağır heksakopterlərini vurmaq üçün saxta mövqelərdən istifadə etməklə əlverişli yerlərə cəlb edirlər. Bu taktikadan "Şimal" qüvvələr qrupunun 6-cı qvardiya birləşmiş silahlı ordusunun əsgərləri istifadə edir.

Herbiand.az xəbər verir ki, bu barədə "Qvozd" ləqəbli snayper tağım komandiri bildirib.

Onun sözlərinə görə, gün ərzində əsgərlər PUA operatorlarının diqqətini cəlb etmək üçün imitasiya sığınacaqları qururlar. Ukrayna tərəfi şəxsi heyətin yerləşməsinə üstünlük verir, buna görə də gecə ağır dronlar hazırlanmış ərazilərə yaxınlaşır və zərbə endirməzdən əvvəl havada qalırlar. Bu zaman snayperlər təhlükəsiz məsafədən atəş açırlar.

Əməliyyat əvvəlcədən hazırlanmış mövqelərdən gecə-gündüz aparılır. Snayper cütlükləri günün müxtəlif vaxtlarında tapşırıqları yerinə yetirmək üçün müasir rus tüfənglərindən və ixtisaslaşmış nişangahlardan istifadə edirlər.

"Qvozd" xəbər verir ki, təkcə sentyabr ayında 6-cı qvardiya birləşmiş silahlı ordusunun əsgərləri Xarkov sektorunda 60-dan çox ağır heksakopteri vurublar.

Bəxtiyar CƏFƏRLİ