Çin 16 raket buraxıcısı olan pilotsuz trimaran sualtı qayığını sınaqdan keçirir

Oktyabrın sonlarında Çinin 16-18 raket buraxıcısı daşıyan trimaran gövdəli unikal yarımsualtı sualtı qayığı sınaqdan keçirdiyi bildirildi.

Herbiand.az xarici mətbuata istinadən bildirir ki, əsasən kommersiya peyk görüntüləri olan açıq mənbəli kəşfiyyat (OSINT) məlumatlarına əsasən bu, tamamilə yeni bir kateqoriya olan hərbi gəmini təmsil edir.

Pekin layihənin adını və ya məqsədini rəsmi olaraq açıqlamayıb. Lakin mütəxəssislər onu inqilabi tipli pilotsuz və ya hibrid "sualtı arsenal gəmisi" (Submersible Arsenal Ship) kimi təsnif edir.

Məlumata görə, gəmi Çinin cənubundakı Quançjou şəhərindəki gəmiqayırma zavodunda inşa edilib. Bu ilin əvvəlində o, gizli şəkildə Dalyan limanı vasitəsilə şimala köçürülüb. Hazırda Bohai körfəzindəki Huludao yaxınlığındakı gizli sualtı silah sınaq poliqonunda aktiv sınaqdan keçirilir.

Bəxtiyar CƏFƏRLİ