Rusiya nüvə reaktoru komponentləri istehsal edən avadanlığı modernləşdirib

Rusiyanın Rostov vilayətinin Volqodonsk şəhərindəki “Atommaş” zavodunda (“Rosatom”un mexaniki mühəndislik bölməsinin bir hissəsi) mövcud və gələcək nüvə reaktorları üçün istənilən komponenti ştamplaya bilən yeganə avadanlığın genişmiqyaslı modernləşdirilməsi başa çatıb. 15.000 ton gücə malik təkmilləşdirilmiş hidravlik metal lövhə ştamplama presi artıq sınaqları uğurla başa çatdırıb və komponentlərin istehsalına tam hazırdır.

Herbiand.az bildirir ki, bu barədə Media Paluba yazıb.

Avadanlıq 1980-ci ilin may ayında istismara verilib. O, Rusiya nüvə sənayesi tarixi boyunca “Atommaş” tərəfindən istehsal edilən 30-dan çox nüvə reaktorunun istehsalı üçün istifadə olunub.

Mühəndislər modernləşdirmənin bir hissəsi olaraq, təkcə yarım əsrdən çox köhnəlmiş komponentləri bərpa etməklə kifayətlənməyiblər. Bundan başqa, hidravlikaları dəyişdirərək kompleksi rəqəmsal sistemə çeviriblər.

Bəxtiyar CƏFƏRLİ