Bir millət, iki dövlət-ortaq tarix, ortaq mədəniyyət və ortaq gələcək- Ənvər Özdemir yazır

Anadolu və Azərbaycan türklərinin tale birliyi Oğuz Atadan başlayaraq 1918-ci ildə Qafqaz İslam Ordusunun göstərdiyi həmrəylikdə, Çanaqqala savaşında, istiqlal mübarizələrində və ortaq mədəniyyətdə formalaşmışdır.

Xüsusilə 1918-ci ildə yaradılmış Azərbaycan Demokratik Respublikasının Bakı şəhərinin bolşevik-daşnak qüvvələrindən azad edilməsi prosesində Osmanlı dövlətinin Qafqaz İslam Ordusu vasitəsilə Azərbaycana göstərdiyi dəstək iki xalq arasındakı tarixi həmrəyliyin mühüm nümunəsidir.

Yaxın tarixin çətin dövrlərində də bu bağ qırılmamışdır. Sovet İttifaqı dövründə Türkiyə ilə Azərbaycan arasında rəsmi münasibətlər məhdudlaşdırılsa da, xalqlar arasındakı mədəni və mənəvi bağ yaşamaqda davam etmişdir.

Qarabağ məsələsi də Türkiyə–Azərbaycan həmrəyliyinin ən mühüm sınaqlarından biri olmuşdur. Türkiyə uzun illər ərzində Azərbaycanın ərazi bütövlüyü ilə bağlı mövqeyini diplomatik və siyasi səviyyədə dəstəkləmişdir.

Bundan əlavə, Azərbaycan türklərinin Çanaqqala savaşında imperialistlərə qarşı bizimlə çiyin-çiyinə vuruşması, meşə yanğınları və zəlzələlər zamanı bütün imkanları ilə dəstək göstərməsi, iqtisadi baxımdan çətin dövrlərdə ölkəmizin ayaqda qalmasına verdikləri töhfələr gələcəyin qurulmasında danılmaz əhəmiyyətə malikdir.

Mustafa Kamal Atatürkün “Azərbaycanın dərdi dərdimiz, sevinci sevincimizdir” və Heydər Əliyevin “Bir millət, iki dövlət” prinsipləri bu münasibətlərin mahiyyətini təşkil edir.

Bir millət, iki dövlət; ortaq tarix, ortaq mədəniyyət və ortaq gələcək ümidi.

Türkiyə və Azərbaycanın qardaşlığı tarixin çətin günlərində olduğu kimi, gələcəyin gözəl günlərində də həmrəyliyin, dostluğun və qarşılıqlı dəstəyin güclü simvolu olaraq qalacaqdır.

Azərbaycanın beynəlxalq toplantılardakı mövqeyi (məsələn, İsrail Baş nazirinin çıxışı zamanı aşağı səviyyəli nümayəndənin iştirak etməsi) diplomatik ənənədir. Azərbaycan 2000-ci ildən etibarən BMT-də keçirilən bütün Fələstinlə bağlı səsvermələrdə Fələstinin lehinə səs vermiş və Türkiyə ilə eyni şəkildə “iki dövlətli həll” yanaşmasını mənimsəmişdir.

Hər il BMT toplantıları və “Eurovision” kimi tədbirlər bəhanə edilərək sosial media, köşə yazıları və ya media vasitəsilə iki ölkə xalqı qarşı-qarşıya qoyulmağa çalışılır.

Türkiyə və Azərbaycan türk dünyasının inteqrasiyası, Zəngəzur dəhlizinin reallaşdırılması, Şuşa Bəyannaməsi və 2040 Türk Dünyası Vizyonu istiqamətində mühüm rol oynayır.

İki ölkə arasındakı əlaqələr yalnız bəyanatlarla məhdudlaşmır, TANAP, Bakı–Tbilisi–Qars dəmir yolu, müdafiə və enerji sahəsində əməkdaşlıq kimi konkret layihələrlə də möhkəmləndirilmişdir.

Cənubi Qafqazda güclü türk varlığından və birliyindən narahat olan regional və qlobal güclər bu qardaşlığı zəiflətməyə çalışırlar.

Türk düşmənlərinin, məzhəbçilərin və imperialistlərin əlaltılarının aktual siyasi məsələlər üzərindən bu dostluq və birliktəliyi pozmaq cəhdləri mütləq nəticəsiz qalacaqdır. Anadolu və Azərbaycan türklüyü Böyük Türk Dünyası ilə birlikdə bir olmağa, iri olmağa və diri olmağa davam edəcəkdir.

Türkiyə və Azərbaycan xarici siyasətdə koordinasiyalı fəaliyyət göstərən, sevinci də, kədəri də bir olan iki müstəqil dövlətdir.

Cari siyasi müzakirələr və ya sosial media üzərindən aparılan dezinformasiya kampaniyaları bu köklü və strateji qardaşlığı sarsıda bilməz. İki ölkə Türk dünyasının bütövlüyü vizyonu istiqamətində həmrəyliyini davam etdirmək əzmindədir.

Sağlıq Elmləri Universiteti Urologiya və Uroonkologiya professoru

Prof. Dr. Ənvər Özdemir