Türkiyədə hərbi helikopter qəzaya uğradı: 4 hərbçi şəhid oldu

Türkiyənin Malatya vilayətinin Yeşilyurt rayonunda S-70 tipli hərbi helikopter qəzaya uğrayıb.

Herbiand.az xəbər verir ki, hadisə Samanköy ərazisində yerli vaxtla saat 18:45 radələrində baş verib.

Türkiyənin Milli Müdafiə Nazirliyinin məlumatına görə, helikopter hələlik müəyyən edilməyən səbəbdən qəzaya uğrayıb. Xilasedicilər helikopterin qalıqlarını aşkar ediblər.

Nazirliyin sonrakı açıqlamasında helikopterdə olan 4 hərbçinin şəhid olduğu bildirilib.

Məlumata əsasən, şəhid olanlardan 3-ü təlim pilotu, biri isə gizirdir.

Qəza yerində baş verən kiçikmiqyaslı yanğın yanğınsöndürmə qrupları tərəfindən söndürülüb, hadisə ilə bağlı ərazidə araşdırmalara başlanılıb.

Malatya prokurorluğu qəzanın səbəblərinin araşdırılması üçün istintaq başladıb.

Aydın

Herbiand.az