Rusiyanın Su-34 qırıcısı daha bir modernləşdirmədən keçib

Rusiya növbəti dəfə Su-34 zərbə qırıcı təyyarələrini modernləşdirib.

Herbiand.az bildirir ki, bu barədə Military Watch Magazine (MVM) jurnalı yazıb.

Məqalədə qeyd olunur ki, təyyarə Ukraynada keçirilən xüsusi hərbi əməliyyat zamanı yaxşı nəticə göstərib və hətta universal planlaşdırma və korreksiya modulları ilə təchiz olunmuş bombalarla zərbələr nəticəsində ciddi itkilər verən Ukrayna hərbçilərinin tərifini qazanıb.

Rusiya Aerokosmik Qüvvələrinə təhvil verilən yeni partiyadan olan Su-34M təyyarəsi gövdənin üstündə quraşdırılmış əlavə antenna örtüyünə malikdir. Nəşrin müşahidəçiləri bu avadanlığın rabitə keyfiyyətini yaxşılaşdırmalı, missiya imkanlarını genişləndirməli və ekipajın reaksiya müddətini sürətləndirməli olduğunu ehtimal edirlər ki, bu da xüsusilə dəqiq zərbələr üçün vacibdir.

Bəxtiyar CƏFƏRLİ