Quru Qoşunlarının komandanı yeni HHM eşelonu barədə danışıb

Rusiya Silahlı Qüvvələrinin Quru Qoşunlarının Baş Komandanı Andrey Mordviçev Rusiya Hava Hücumundan Müdafiə sistemində son dərəcə aşağı hündürlüklərdə əlavə örtük eşelonunun əlavə olunduğunu elan edib.

Herbiand.az bu barədə Rusiya mətbuatına istinadən bildirir.

Onun sözlərinə görə, arxa ərazidəki obyektləri PUA hücumlarından qorumaq üçün hava hücumundan müdafiə qüvvələrinə əks-dron bölmələri inteqrasiya olunub: "Bu, son dərəcə aşağı hündürlüklərdə hava hücumundan müdafiə sistemində əlavə bir örtük eşelonu yaratmağa imkan verib".

Mordviçev qeyd edib ki, müxtəlif hava hücumundan müdafiə sistemlərinin istifadəsi düşmənin bütün hava hücum aktivlərini - taktiki və qanadlı raketlərini, çoxsaylı buraxılış raket sistemlərini və müxtəlif növ pilotsuz uçuş aparatlarını vurmağa imkan verir.

Bəxtiyar CƏFƏRLİ