Danimarka donanmasına ağır silahlanmış yeni korvet təklif olunub

DALO Industry Days 2026 sərgisində Danimarkanın OSK Design şirkəti, Danimarka Kral Dəniz Qüvvələrinə 95 metrlik sahil korvetini təqdim edib.

Herbiand.az bildirir ki, bu barədə OSK Design şirkətinin müdafiə rəhbəri Lars Povl Jensen deyib.

Layihə Litva Hərbi Dəniz Qüvvələri üçün hazırlanmış Pakunas sinifli patrul gəmisinə əsaslanır. Sürəti və manevr qabiliyyətini artırmaq üçün mühəndislər gövdəni uzadıb, enini isə bir qədər azaldıblar. Uzunluğu 95 metr, eni 14 metrdir.

Belə ölçülərə baxmayaraq, platforma ağır silahlar daşıyır. Təklif olunan əlavəyə 76 mm-lik top, 35 mm-lik CIWS zenit sistemi, iki-dörd məsafədən idarə olunan döyüş modulu, 8 və ya 16 gəmi əleyhinə raket üçün buraxılış qurğuları, 16-ya qədər şaquli buraxılış kamerası və sualtı qayıq əleyhinə müharibə üçün torpedo boruları daxildir.

Göyərtədə 10 tona qədər ağırlığında orta ölçülü helikopter yerləşdirilə bilər. Həmçinin, anqar, PUA idarəetmə mərkəzi və yanacaqdoldurma imkanları da var.

Heyət 45 daimi şəxsdən ibarətdir, 25-ə qədər əlavə mütəxəssis də yerləşdirmək mümkündür.

Bəxtiyar CƏFƏRLİ