Rusiya yüksək sürətli "Kreçet" dron əleyhinə sistemini təqdim edib

Rusiyanın "Uşkuynik" tədqiqat və inkişaf mərkəzi ilk dəfə olaraq saatda 450 kilometrə qədər sürətə çata bilən "Kreçet" təyyarə tipli dron əleyhinə sistemini təqdim edib.

Herbiand.az bildirir ki, yeni sistem Moskva yaxınlığındakı “Patriot” parkında keçirilən Beynəlxalq Texnologiya Konqresində nümayiş etdirilib.

Elmi və Praktik Mərkəzin baş direktoru Aleksey Çadayevin sözlərinə görə, "Kreçet" Rusiyanın ən sürətli tutucu dronudur: “Cihaz iki elektrik mühərrikinə malikdir və katapultla buraxılır. Onun yüksək sürəti ona təqib edən dronları tutmağa, onların trayektoriyasına daxil olmağa və arxadan vurmağa imkan verir”.

Dron döyüş başlığı ilə təchiz oluna bilər, eyni zamanda hədəfləri birbaşa vurmaq qabiliyyətinə malikdir. Çadayev qeyd edib ki, “Kreçet”in sürəti və çəkisi Ukrayna Silahlı Qüvvələrinin saatda təxminən 200 kilometrə qədər sürətlənən "Lyutıy" tipli təyyarələrinin kinetik ələ keçirilməsi üçün kifayətdir.

Bəxtiyar CƏFƏRLİ