ABŞ HHQ və Northrop Grumman yeni qitələrarası ballistik raketin ilk buraxılışını yaxınlaşdırıb

Bir sıra gecikmələrdən sonra, köhnəlmiş LGM-30 Minuteman III-ü əvəz etmək və ABŞ nüvə triadasının yerüstü komponentini onilliklər ərzində təmin etmək üçün nəzərdə tutulmuş LGM-35 Sentinel qitələrarası ballistik raketi 2027-ci ildə ilk uçuş sınağı üçün hazırlığın son mərhələsinə qədəm qoyur.

Herbiand.az bu barədə xarici mətbuata istinadən bildirir.

Məlumata görə, Kaliforniyadakı Vandenberg bazasında tam inteqrasiya olunmuş döyüş başlığı olmayan raketin şaquli yığılması başa çatıb və Northrop Grumman prototip üçün ABŞ Hərbi Hava Qüvvələrindən dizayn hazırlığı təsdiqini alıb. Bu da onun debüt buraxılışı üçün yol açıb.

İşlər dörd aylıq "Pathfinder" əməliyyatının bir hissəsi olaraq həyata keçirilib. Raket komponentləri ölkə daxilində xüsusi nəqliyyat vasitələri ilə daşınıb. Mühəndislər prototipin yığılmasının hər mərhələsində hər bir elementin vəziyyətini yoxlayıblar və hərbi tələblərə uyğunluğunu təsdiqləyiblər.

Bəxtiyar CƏFƏRLİ